تصدر الفنان فادي خفاجة محركات البحث الأولى، خلال الساعات الماضية، وذلك بسبب ظهوره في بث مباشر على التيك توك وهو منهار من البكاء ، خلال لايف عبر حسابه الشخصي ” تيك توك” يشتكي من قلة العمل.
وقال فادي خفاجة : “مهما قالوا متكلمش هتكلم، علشان اقل حقوقي اني أشتغل، لكن مفيش فايدة، أنا قاعد في البيت من غير شغل”.
وخرج فادي خفاجة مطالباً المخرجين والمنتجين بإتاحة فرصة عمل له في مسلسل قائلاً :” يا مخرجين ومنتجين مصر، لو العبد لله بعد العمر دا كله مشتغلش في مسلسل واتنين وتلاتة، مين اللي يشتغل يا ولاد المهنة والأصول!؟ مشكلتي إني واثق في نفسي بفضل الله”.
فادي خفاجة يتحدى أي مخرج أو أي شركة إنتاج بكفاءته
تابع فادي خفاجة : «ممكن أتحدى أي مخرج أو أي شركة إنتاج بكفاءتي ودراستي وعمري وخبرتي، والله العظيم لو قالولي بطلها لأبطلها، مشكلتي إني واثق في نفسي بفضل الله، وربنا الحكم والعدل، ومطرح مترسي ندقلها».
وقال فادي خفاجة خلال اللايف : «مين معندوش أخطاء؟ أجدع واحد في لايف هنا لو قعد ثانية مع نفسه هيلاقي نفسه كله أخطاء».
انهيار فادي خفاجة.. أقرب صديق ليا يهاجمني
واستكمل خفاجة : «أقرب صديق ليا هو اللي بيهاجمني، البني آدم الوحيد اللي كنت منتظره في غلطي يدافع عنى ضربني في ضهري، مهما قالوا متكلمش هتكلم عشان أقل حقوقي إني أشتغل».ليست المرة الأولى التي يعبر فيها الفنان فادي خفاجة عن استيائه من قلة العمل، وذلك من خلال منشوراته عبر حسابه الرسمي بموقع التواصل الاجتماعى «فيس بوك» قائلا: «يا مخرجين ومنتجين مصر، لو العبد الله بعد العمر ده كله مشتغلش في مسلسل واتنين وتلاتة، مين اللي يشتغل يا ولاد المهنة والأصول؟».
والجدير بالذكر أن الفنان فادي خفاجة خرج منذ 3 سنوات علي حسابه الشخصي “فيس بوك” ، واشتكي من قلة العمل.
